Бишкектин Биринчи май райондук сотунун маалыматы боюнча, Азис Эгембердиевге карата козголгон кылмыш иши «Ала-Арча» улуттук паркында 14 жаштагы Амир Кунакуновдун өлүмү менен байланыштуу эмес.
Учурда экс-жетекчи кызматтык ыйгарым укуктарын кыянат колдонуу айыбы менен шектенүүдө. Соттун чечими менен ал 2027-жылдын 13-январына чейин камакка алынды.
Буга чейин өспүрүмдүн өлүмүнөн кийин издөө жана куткаруу иштерин уюштуруу боюнча текшерүү жүргүзүлгөн. Текшерүүнүн жыйынтыгында куткаруучулардын иш-аракеттерин координациялоодо, маалымат берүүдө жана ыкчам жооп кайтарууда кемчиликтер бар экени аныкталган.
Аталган текшерүүдөн кийин Азис Эгембердиев кризистик кырдаалдарды башкаруу борборунун башчылыгы кызматынан бошотулган.











