Ишкана «Бишкек шаардык транспорт» чет өлкөлүк жарандарды автобус айдоочулары катары ишке алуу мүмкүнчүлүгүн изилдеп жатат. Бул тууралуу экинчи автобазанын башкы инженери Бакыт Табалдиев билдирди. Ал мындай жалдоону эмгек миграциясы катары кароого болорун, бул кыргызстандыктардын Россияга иштөөгө кетишине окшош экенин белгиледи.
Айдоочулар менен жүргүнчүлөрдүн байланышы минималдаштырылганын айткан Табалдиев, чет өлкөлүк айдоочуларга тил билүүнүн кажети жок деп эсептейт. Маршрут тууралуу маалыматты салондон же «Мой город» тиркемесинен алса болот.
Эгерде жүргүнчүлөргө маршрутту билүү керек болсо, аны салондон же «Мой город» тиркемесинен көрүүгө болот. Бирок минималдуу негизги сөздөрдү, жок дегенде өзүнүн атын жана кайсы маршрутта иштээрин айта билиши керек. Бул маселе изилденип жатат, бирок биз баары бир өзүбүздүн жарандарга үмүт артабыз.
Учурда чет өлкөлүктөрдү тартуу маселеси изилденип жатканын, ал эми ишкана дагы деле жергиликтүү айдоочуларга таянарын Табалдиев баса белгиледи. Ал D категориясындагы айдоочулук күбөлүгү бар жарандарды жумушка келүүгө чакырды.
Талапкерлер психиатрия жана наркология борборунда каттоодо турбашы керек. Ишкана Курманжан Датка жана Исакеев көчөлөрүнүн кесилишинде жайгашкан.
Талаптар
