Бишкек мэриясы №4 шаардык оорукананын аймагында жер астындагы жөө жүргүнчүлөр өтмөгүн куруу маселесин карап жатат. Бул тууралуу шаардык мэриянын басма сөз кызматы билдирди.
Мэр Айбек Жунушалиев А. Масалиев көчөсүндө (мурдагы Чортекова) жаңы сквердин курулушунун жүрүшү менен таанышты. Бул участок А. Токомбаев көчөсүнөн №4 шаардык ооруканага чейин созулат.
Айланып көрүү учурунда жергиликтүү тургундар мэрге жер астындагы жөө жүргүнчүлөр өтмөгүн куруу өтүнүчү менен кайрылышты. Жунушалиев бул маселени иш жүзүндөгү жөө жүргүнчүлөр агымын эске алуу менен кароону тапшырды.
Мэрия мүмкүн болгон өтмөктүн так жайгашкан жерин жана курулуш мөөнөттөрүн тактаган жок.
