Токмок шаарында ата-энесинин көзөмөлүсүз калган төрт жашы жете элек бала аныкталды. Бул тууралуу жергиликтүү бийлик өкүлдөрү билдиришти.
Балдардын бири бутка оор жаракат алганы белгилүү болду. Бул факт аныкталгандан кийин үй-бүлөнү колдоо жана балдарды коргоо бөлүмүнүн кызматкерлери баланы Токмок шаардык ооруканасына жеткиришти.
Алдын ала маалыматтар боюнча, балдардын биологиялык энеси Россияда эмгек миграциясында жүрөт, ал эми атасы азырынча аныктала элек.
Учурда көрүлүп жаткан чаралар: үч жашы жете элек бала Чүй мектеп-интернатына жайгаштырылды. Бутунан жаракат алган кыз Токмок шаардык ооруканасында керектүү медициналык текшерүүлөрдөн өтүп жатат. Эртең эрте менен баланы Бишкек шаарындагы ооруканалардын бирине которуу пландалууда. Анын жанында социалдык кызматкер болот.
Бул маселе Токмок шаардык прокуратурасынын жана башка тиешелүү ведомстволордун көзөмөлүнө алынып, биргеликте зарыл иш-чаралар жүргүзүлүүдө.
Табылган балдар боюнча маалымат
Эмне белгилүү
- Токмок шаарында төрт жашы жете элек бала табылды
- Бир баланын буту оор жаракат алган
- Энеси Россияда эмгек миграциясында жүрөт
- Үч бала Чүй мектеп-интернатына жайгаштырылды
- Жаракат алган кыз Токмок шаардык ооруканасында дарыланууда
- Бала эртең Бишкектеги ооруканага которулат
Азырынча белгисиз
- Балдардын атасы ким экени аныктала элек
