Ош шаарында ЖКККББ кызматкерлери рейд учурунда Toyota Camry үлгүсүндөгү унааны токтотушкан. Текшерүү учурунда алдыңкы лобовое айнеги мыйзамсыз караңгылатылганы аныкталган.
Айдоочу — мэриянын кызматкери
Унаанын рулунда шаар мэринин жардамчысы отурганы маалым болгон. Инспектор айдоочуга мамлекеттик кызматта иштеп жатып, жол эрежесин өзү бузуп жатканын эскерткен.
Сиз мамлекеттик кызматта иштейсиз, бирок жол эрежесин өзүңүз бузуп жатасыз
Айдоочу өзүнүн мыйзам бузганын мойнуна алып, алдыңкы айнектен караңгылатуучу плёнканы өз колу менен алып салган.
Айып пул салынды
Текшерүүнүн жыйынтыгы боюнча айдоочуга айып пул жазылган. ЖКККББ басма сөз кызматы бул окуя боюнча расмий маалымат тараткан.
