Мелдештин ачылышында мэр Айбек Жунушалиев эл аралык деңгээлдеги беттештердин борбордо өтүшү шаар үчүн сыймык экенин баса белгиледи.

Дүйнөнүн ар кыл өлкөлөрүнөн келген шахматчылардын бүгүн Бишкекте чогулуп, Азия чемпионаты дал ушул борбордо өтүп жатканы биз үчүн чоң сыймык. Бул шаардын өнүгүүсүнүн жана эл аралык байланыштарынын бекемделишинин маанилүү көрсөткүчтөрүнүн бири.
Бишкек шаарынын мэри Айбек Жунушалиев

Турнирге Азиянын алты өлкөсүнөн 51 шахматчы катышууда. Алардын арасында эки эл аралык мастер жана бир ФИДЕ мастери бар.

Катышуучулар

51шахматчы
6өлкө
3категория

Мелдештин форматы

  • Көрүү мүмкүнчүлүгү чектелген спортчулар
  • Угуу мүмкүнчүлүгү чектелген спортчулар
  • Таяныч-кыймыл аппараты жабыркаган спортчулар

Турнир эркектер, аялдар, өспүрүмдөр жана кыздар арасында өтүүдө. Уюштуруучу — Кыргыз шахмат союзу, мелдеш Азия шахмат федерациясынын (ACF) жана Эл аралык шахмат федерациясынын (FIDE) колдоосунда.

Бишкек мэриясы майыптыгы бар жарандарга бирдей мүмкүнчүлүктөрдү түзүүгө багытталган долбоорлорду колдоого жана кеңейтүүгө даяр экенин билдирди.