Бишкектин борбордук бөлүгүндөгү «Адмирал» дарыканасы Мамлекеттик бажы кызматынын кызматкерлери тарабынан мөөрлөндү. Ведомствонун өкүлдөрү «Tazabek» басылмасына курган маегинде, дарыкананын мөөрлөнүшү алардын иш-аракетинин алкагында болгонун тастыкташты.
Учурда иштин бардык жагдайлары тергөө башкармалыгы тарабынан каралууда. Ведомстводон кошумча маалымат кийинчерээк бериле турганын билдиришти.
Дарыкананын юридикалык маалыматы
Юстиция министрлигинин маалыматына ылайык, «Адмирал» дарыканасы «Плазма Стар» ЖЧКсынын атынан иш алып барат. Компания 2003-жылдын 22-сентябрында каттоодон өтүп, 2020-жылдын 9-декабрында кайра каттоодон өткөн. Анын негиздөөчүсү жана жетекчиси — Ахметова Ранна Сабировна.
Фармацевтикалык ишмердүүлүккө берилген лицензиялардын реестри боюнча, Чыңгыз Айтматов проспектиси, 41а дарегиндеги дарыкана «Плазма Стар» ЖЧКсына катталган ФД 5451 лицензиясынын негизинде иштейт. Аталган дарыкана лицензияга 2015-жылдын 3-августунда киргизилген.
Бул лицензия боюнча компанияга жалпысынан жети объект караштуу. Бишкекте Абдрахманов көчөсү, 127 жана Манас проспектиси, 41а даректериндеги дарыканалар, ошондой эле Абдрахманов көчөсү, 127деги дарыкана кампасы жана Курманжан Датка көчөсү, 109 менен Токтогул көчөсү, 62деги дарыкана пункттары бар. Ысык-Көл облусунда Ананьево айылында жана Чолпон-Ата шаарында дарыкана пункттары иштейт.
