Кант шаарында жашаган бир кыргызстандык аял баласы үчүн глюкометрге тести полоскаларды мамлекеттик «Эл Аман» аптекасынан алуу үчүн барганда дарыгердин рецептине карабастан фармацевттин эс алууда болушу себептүү керектүү дары-дармекти ала алган жок.
Анын айтымында, мурунку учурларда бул тести полоскаларды жеке аптекалардан да льготтук рецепт менен алууга мүмкүнчүлүк берилчү. Бирок азыр дарыгерлер калкты дарыгердин рецепти аркылуу мамлекеттик «Эл Аман» аптекаларынан алууга багыттап жатат.
Канттагы аталган мамлекеттик дарыкананын фармацевти 3-августка чейин эс алууга чыгып калгандыктан дары-дармек берилбей жатат. Муну менен аял дагы Токмок же Бишкек шаарларындагы дарыканаларга кайрылууга мажбур болуп, кошумча чыгымга жана убакыт жоготуусуна кабылууда.
Учурда Бишкекте 16 даана «Эл Аман» аптекалары льготтук дары-дармектерди сатууда. Бирок Кант шаарында пилоттук долбоор ишке кирбейт жана жеке аптекаларда льготтук кабыл алуу иштери уланууда.
