Муниципалдык ишкананын өкүлүнүн айтымында, чет элдик жарандарды жумушка алуу — бул кыргызстандыктардын Россияга иштеп кетүүсү сыяктуу эле эмгек миграциясынын бир түрү.

Ал чет элдиктерге тил билүүнүн зарылдыгы жок деп эсептейт, себеби айдоочулардын жүргүнчүлөр менен байланышы азайтылган.

Жүргүнчүлөргө маршрутту билүү керек болгон учурда, аны салондон же «Мой город» тиркемесинен көрүүгө болот. Бирок минималдуу негизги сөздөрдү алар билиши керек, жок дегенде атын, кайсы маршрутта иштээрин айта алышы зарыл. Бул маселе изилденип жатат, бирок биз ошентсе да өзүбүздүн жарандарга үмүттөнөбүз.
Бакыт Табалдиев, «Бишкек шаардык транспорту» муниципалдык ишканасынын экинчи автобазасынын башкы инженери
Ранее по темеБишкекте автобус айдоочулары канча табат? Расмий цифралар айтылды

Учурда айдоочулар айына 165 жумушчу саат үчүн 70–80 миң сом алышат. Мурда кайра иштетүү менен бул сумма 100 миң сомдон ашат болчу.

Табалдиев D категориясындагы айдоочулук күбөлүгү бар, ошондой эле психиатриялык жана наркологиялык эсепте турбаган жарандарды автобус айдоочусу болуп иштөөгө чакырды. Бул үчүн Курманжан Датка жана Исакеев көчөлөрүнүн кесилишинде жайгашкан муниципалдык ишканага кайрылуу зарыл.