Мэр Бишкектин коомдук транспорт тармагындагы көйгөйлөргө көңүл буруп, айдоочулардын жоопкерчиликсиздиги шаардык автобустардын азайышына алып келерин эскертти.
Эгер ушундай айдай берсеңер, Бишкекте автобустар көп өтпөй түгөнүп калат
Мэр Айбек Жунушалиев айдоочуларга жол эрежелерин сактоого жана автобустарга этият мамиле кылууга чакырды. Бул талаптын аткарылышы үчүн 28-октябрдан баштап жаңы чаралар күчүнө кирет.
Айып пулдар жана эвакуация
Жаңы эрежелерге ылайык, ар бир эреже бузуу айдоочунун өз эсебинен айып пул менен жазаланат. Эреже бузуулар менен кармалган автобустар айып короого жөнөтүлөт.
Жүргүнчүлөрдүн даттануулары үчүн WhatsApp номери
Мэр ошондой эле автобустарга WhatsApp номерин жайгаштырууну тапшырды. Жүргүнчүлөр эреже бузууларды тартып, фото жана видео жөнөтө алышат. Бул чара айдоочулардын жоопкерчилигин арттырууга багытталган.
Айдоочулардын иштөө шарттары текшерилет
Мэр эртең мененки саат 07:00дөн түнкү 00:00гө чейин иштеп, 100–140 миң сом тапкан айдоочуларды текшерүүнү тапшырды. Бул айдоочулардын эмгек шарттарын жана эрежелерди сактоосун көзөмөлдөө максатында жасалууда.
