Жети-Өгүз районунун Оргочор айыл аймагынын Тилекмат айылында таза суу тутумун жаңылоо иштери толугу менен аяктады. Бул тууралуу айыл өкмөтүнүн башчысы Нурдин Жусупов билдирди.
Долбоордун көлөмү жана максаты
Айыл өкмөтүнүн башчысы Нурдин Жусуповдун айтымында, долбоордун жалпы баасы 121 миллион сомдон ашып, 22 чакырымдан ашуун суу түтүктөрү толугу менен алмаштырылды. Бул иштер айыл тургундарын сапаттуу ичүүчү суу менен үзгүлтүксүз камсыздоого жана эскирген түтүктөрдү жаңылоого багытталган.
121 млн сом Долбоордун жалпы баасы
Тилекмат айылындагы таза суу долбоорунун жалпы наркы.
Айыл өкмөтүнүн маалыматы боюнча, курулуш иштеринин натыйжасында мурунку суу менен камсыздоо тутуму толук жаңыланды.
Район боюнча аткарылган иштер
Райондук администрациянын башчысы Эрмек Бахавадинов белгилегендей, быйыл Жети-Өгүз районундагы алты айылда таза суу менен камсыздоо иштери жүргүзүлдү.
4-ноябрда Тилекмат айылында долбоордун аякташына арналган салтанаттуу иш-чара өткөрүлдү.
