Бул тууралуу «Чакан ГЭС» ААК башкы директорунун орун басары Канат Аскеев 3-ноябрда радио эфиринде билдирди. Анын айтымында, эки ГЭС тең быйыл ишке киргизилет.
Урмарал ГЭСинин абалы
Урмарал ГЭСи Бакай-Атин районунда жайгашкан, кубаттуулугу 1,6 МВт. Станция боюнча бардык документтер бүткөрүлүп, жакынкы арада эксплуатацияга берилери күтүлүүдө.
Баарын ГЭСинин даярдыгы
Баарын ГЭСинде курулуш-монтаждык иштер толугу менен аяктаган. Учурда станция уруксат берүүчү документтерди алуу жана жөндөө-ишке киргизүү иштеринин баскычында турат.
Бала-Саруу ГЭСи учурда канча берет?
Канат Аскеев ошондой эле «Чакан ГЭС» курамындагы Бала-Саруу ГЭСи 2024-жылы ишке киргизилгенин эске салды. Анын белгилешинче, бүгүнкү күндө станция 9,9–10 МВт өндүрсө, анын белгиленген кубаттуулугу 25 МВт.
