«Электр станциялары» Кичи Нарын дарыясына эки ГЭС курууну пландоодо

«Электр станциялары» мамлекеттик компаниясы — өлкөдөгү ири ГЭСтердин оператору — Кичи Нарын дарыясында эки гидроэлектростанция куруу долбоору боюнча сынак жарыялады. Бул тууралуу мамлекеттик сатып алуулар порталында 23-октябрда жарыяланган.

Сынактын максаты — «Оруктам ГЭС-1 (60 МВт) жана Оруктам ГЭС-2 (48 МВт) каскадын куруу жана пайдалануу» долбоору үчүн инвестициялардын техникалык-экономикалык негиздемесин иштеп чыгуу жана курулуш аянтчаларын тандоо.

Сынакка катышуу үчүн арыздар мамлекеттик сатып алуулар порталы аркылуу кабыл алынат. Долбоорду ишке ашыруу мөөнөттөрү жана каржылоо булактары тууралуу маалымат азырынча жарыяланган эмес.