Кытай-Кыргызстан-Өзбекстан темир жолун куруу иштери токтобостон жүрүп жатат, - деп билдирди Транспорт жана коммуникациялар министри Талантбек Солтобаев. Анын айтымында, учурда жер жумуштары, станцияларды жабдуу жана көпүрөлөрдү куруу сыяктуу иштер активдүү жүргүзүлүүдө.
Долбоордун алкагында 105 километр узундуктагы тоннелдерди куруу пландаштырылган. Министрдин маалыматы боюнча, курулуштун иштери жыл сайын болжол менен 20 пайыздык көлөмдү аткарууну көздөйт жана ушул жылдын өзүндө бул көрсөткүчтөргө жетүү пландалууда.
Курулуштагы көрсөткүчтөр
Темир жолдун жалпы узундугу болжол менен 480 километрди түзөт. Кыргызстандын аймагы аркылуу өтүүчү 305 километрдик бөлүктү Кытайдын башкы подрядчы компаниясы куруп жатат. Долбоордун ишке кирүү мөөнөтү 2031-жылга чейин пландалган.
Бул масштабдуу долбоорду ишке ашыруу жана татаал инженердик курулуштарды воздуруу үчүн бизде азыркы учурда тиешелүү квалификациясы бар адистер жана материалдык-техникалык база жетишсиз. Ошондуктан биз тажрыйба алмашып, өз адистерибизди даярдап жатабыз,","caption":"Талантбек Солтобаев, Транспорт жана коммуникациялар министри
- 2024-декабрь
Темир жолдун курулушу расмий түрдө башталды
- 2025-жыл
Иштердин жылдык планын (20%) аткаруу этабы
- 2031-жыл
Темир жолду пайдаланууга берүү мөөнөтү
