Улан Куловдун айтымында, магистралдын курулушу бекитилген графикке ылайык экинчи жылдан бери жүрүп жатат. Август айында узундугу 209 метр болгон «Кош-Добо-2» биринчи тоннелинин өтүүсү аяктаган.

Бул объект эң кыскалардын бири. Долбоор боюнча жалпы узундугу 104 километр болгон 29 тоннель куруу каралган. "Кош-Добо-2" өтүүсүн бүтүрүү — биздин биринчи маанилүү жыйынтыгыбыз, негизги иштер план боюнча уланууда.
Улан Кулов, «Кытай – Кыргызстан – Өзбекстан темир жол компаниясы» ААКнын башкы директорунун орун басары

Компаниянын маалыматы боюнча, 2026-жылга белгиленген максаттуу көрсөткүчтөр 110% аткарылып, ашыра орундалат.

Долбоордун негизги сандары

22%2026-жылдын аягына чейин аткарыла турган иштер
110%2026-жылга пландын аткарылышы
29тоннель
104тоннелдердин жалпы узундугу (км)
209«Кош-Добо-2» тоннелинин узундугу (м)

Эскерте кетсек, Кытай–Кыргызстан–Өзбекстан темир жолу региондун транспорттук инфраструктурасын өнүктүрүүдөгү ири долбоорлордун бири болуп саналат.