Мамлекет башчысынын басма сөз кызматы билдиргендей, Садыр Жапаров шаардын акыркы беш жылдагы өнүгүү жыйынтыктары, ишке ашырылган долбоорлор жана келечектеги пландар менен таанышкан.
Негизги көрсөткүчтөр
Өнөр жай жана инвестиция
Өнөр жай өндүрүшүнүн көлөмү 1,3 млрд сомдон 3 млрд сомго чейин көтөрүлүшү күтүлүүдө. Инвестициялардын көлөмү 2021-жылы 515,6 млн сомду түзсө, 2026-жылы 8,2 млрд сомго жетиши болжолдонууда.
Ири долбоорлор
Шаарда жалпы наркы 11,8 млрд сомдук ири долбоорлор ишке ашырылган. Алардын катарында «Баластан» балдар оюн-зоок борбору, «Баатырлар» борбордук паркы, жаңыланган борбордук аянт, К.Нуржанов атындагы аллея, Жусуп Баласагын атындагы Кыргыз улуттук университетинин филиалы жана «Акылман» президенттик лицеи бар.
Коомдук транспортту өнүктүрүү үчүн 30 заманбап Yutong электробусу сатылып алынган. Ошондой эле «Талас Арена» стадиону, алты мини-футбол аянтчасы, асфальт-бетон жана темир-бетон заводдору курулган.
Социалдык тармак жана инфраструктура
Социалдык тармакта 35 объект капиталдык оңдоодон өтүп, беш жаңы объект курулган. Жол инфраструктурасына республикалык бюджеттен 2021–2026-жылдары 2,08 млрд сом бөлүнгөн.
Бул иш-чаралар Талас шаарынын экономикалык өнүгүүсүнө жана жашоочулардын жашоо сапатын жакшыртууга олуттуу салым кошууда.
