Талас облусунун прокуратурасы заттык далилдерди мыйзамсыз жок кылуу фактысы боюнча кылмыш ишин козгоду. Бул иш Жаратылыш ресурстары, экология жана техникалык көзөмөл министрлигинин Талас аймактык башкармалыгынын жооптуу кызматкерлерине карата ачылган.
Башкы прокуратуранын маалыматы боюнча, жүргүзүлгөн текшерүү учурунда башкармалыктын кызматкерлери бир нече укук бузуу иштеринин алкагында алынган далилдерди мыйзамсыз түрдө жок кылгандыгы аныкталган.
Жок кылынган далилдер
301форель балыгы
17кеклик
1улар
26,31 кгэндик тамыры
Бул факты боюнча Кыргыз Республикасынын Кылмыш-жаза кодексинин 337-беренеси («Кызматтык абалынан кыянаттык менен пайдалануу») менен кылмыш иши козголгон.
Учурда окуянын бардык жагдайларын аныктоо үчүн керектүү тергөө аракеттери жүргүзүлүүдө.
