Иссык-Көл облусунун Чолпон-Ата шаары жана Бостери айылында санитардык коргоо аймактарындагы тазалоо түзүмдөрүнүн аймагында мыйзамсыз курулуштар аныкталды.
Бул факты боюнча Бишкектеги экологиялык прокуратура кылмыш ишин козгоду, деп билдирди Генпрокуратура.
Текшерүү натыйжасында Иссык-Көл райондук курулуш жана архитектура башкармалыгынын кызмат адамдары санитардык коргоо аймактарына курулуш жүргүзүүгө уруксат берген мыйзамсыз курулуштук корутундуларды тараткандыгы аныкталды.
Кылмыш иши Кыргыз Республикасынын Жаза кодексинин 337-беренеси («Кызмат абалынан кыянаттык пайдалануусу») боюнча козголуп, учурда тергөө иштери жүрүүдө.
Прокуратура тиешелүү мамлекеттик органдардан мыйзамсыз курулуштарды ачыктап, 30 объектти алып салууну жана айыпталуучуларга чара көрүүнү талап кылууда.
