Бүгүн, 3-ноябрда, Кыргыз Республикасынын Президенти Садыр Жапаров Талас облусуна болгон иш сапарынын алкагында Айтматов жана Манас райондорунун эли менен жолугушуу өткөрдү. Бул тууралуу президенттик басма сөз кызматы билдирди.
Жолугушууда жарандар бир катар актуалдуу маселелерди көтөрүштү. Негизги темалардын катарында спорттук жана социалдык объекттерди куруу жана оңдоо, канализация жана ичүүчү суу менен камсыздоо тутумдарын тартуу, мамлекеттик ипотекалык программа аркылуу турак жай берүү маселелери болду.
Жер жана мүлк талаштары, мунапыс маселелери
Тургундар ошондой эле жер жана мүлк талаштарына, мунапыс маселелерине токтолушту. Кылмыш иштери жана укук коргоо органдарынын аракеттерине байланыштуу кайрылуулар да айтылды.
Кылмыш иштерин жана мүлктүк талаштарды объективдүү, адилеттүү жана өз убагында кароо зарыл.
Мамлекет башчысы тиешелүү министрликтерге жана ведомстволорго жарандардын бардык кайрылууларын тыкыр иштеп чыгууну тапшырды. Ал айрыкча кылмыш иштерин жана мүлктүк талаштарды объективдүү, адилеттүү жана өз убагында кароо зарылдыгын баса белгиледи.
Президент жарандардын кайрылууларын угуп, тиешелүү ведомстволорго тургундардын конкреттүү көйгөйлөрүн иш жүзүндө чечүү боюнча так тапшырмаларды берди.
