Садыр Жапаров 13-ноябрда Ысык-Көл облусуна болгон иш сапарынын алкагында Түп, Ак-Суу райондорунун жана Каракол шаарынын 2021-2026-жылдардагы социалдык-экономикалык өнүгүүсүнүн жыйынтыктарын карап чыкты. Бул учурда ишке ашырылган долбоорлор, өнөр жай, айыл чарба жана туризм тармактарындагы жетишкендиктер, ошондой эле келечектеги пландар боюнча маалымат алды.
Түп районундагы өнүгүү
Түп районунда акыркы беш жыл ичинде экономикалык көрсөткүчтөр жаңы деңгээлге көтөрүлгөн. Өнөр жай өндүрүшүнүн көлөмү эки эседен ашык өскөн.
Түп районунун көрсөткүчтөрү
Ошондой эле райондо мектептер, бала бакчалар, медициналык мекемелер жана спорттук объектилерди камтыган 128 социалдык объект пайдаланууга берилген. Учурда аймакта ири инвестициялык долбоорлор ишке ашырылууда. Алардын катарына “Күрмөнтү” цемент заводу, Түп ГЭС жана агрологистикалык борборду куруу кирет.
Ак-Суу районунун жетишкендиктери
Ак-Суу районунда да инвестициялардын көлөмү жана өнөр жай өндүрүшү кыйла өскөн. Жеке ишкерлердин саны дээрлик 40%га көбөйүп, жаңы өндүрүш ишканалары ачылган.
Туризм тармагында өсүү динамикасы абдан жогору болгон. Акыркы беш жылда туристтердин саны сегиз эседен ашык өскөн. Азыркы учурда райондо жол инфраструктурасын жана ичүүчү суу менен камсыздоо системаларын өнүктүрүү иштери улантылууда. Алдыдагы ири долбоорлордун бири — тоо туризмин өнүктүрүү болуп саналат.
- Каракол
Ысык-Көл облусунундагы иш сапар учурунда · geoBoundaries, © OpenStreetMap
Президенттин администрациясынын маалыматы боюнча, аймактардын социалдык-экономикалык абалы жана инфраструктуралык долбоорлордун ишке ашырылышы туруктуу өнүгүү тенденциясын көрсөтүүдө.
