Текшерүү учурунда курулуш иштерин уюштурууда жана жүргүзүүдө белгиленген талаптардын, коопсуздук эрежелеринин жана шаар куруу мыйзамдарынын сакталышына өзгөчө көңүл бурулду. Жыйынтыгында бир катар объектилерде мыйзам бузуулар аныкталды.
Атап айтканда, КР 12-02:2018 «Курулуш өндүрүшүн уюштуруу» курулуш нормаларынын жана «Шаар куруу жана архитектура жөнүндө» мыйзамдын талаптары сакталбагандыгы аныкталды. Бул тууралуу министрликтен билдиришти.
Текшерилген объектилер
- «Мүрөк» спорттук медицина жана реабилитация борбору
- Арча-Бешик конушу, Шербет көчөсү, 11 дарегиндеги беш кабаттуу кеңсе имараты
- Карасаев көчөсү, 128 дарегиндеги 12 кабаттуу турак үй
- Көк-Жар айылындагы №16 участкадагы тогуз кабаттуу турак үй
- Панфилов көчөсү, 11 дарегиндеги эмерек салону
Текшерүүнүн жыйынтыгында курулуш иштерин жүргүзгөн подрядчы уюмдарга Кыргыз Республикасынын укук бузуулар жөнүндө кодексинин 144-беренесине ылайык жалпы 1 млн сом айып пул салынды. Ошондой эле аныкталган мыйзам бузуулар боюнча тиешелүү актылар түзүлүп, аларды жоюу тууралуу буйруктар берилди.
