Өнөр жай өндүрүшүнүн өсүшү акыркы жылдардагы экономикалык өнүгүүнүн негизги кыймылдаткычтарынын бири болуп саналат. Министрлер Кабинетинин төрагасынын орун басары, айыл чарба министри Эрлист Акунбеков Бишкектеги аймактык форумда өлкөнүн экономикалык көрсөткүчтөрү боюнча акыркы маалыматтарды сунуштады.
Анын айтымында, 2026-жылдын 9 айынын жыйынтыгында Кыргызстандын ИДПсы 10,8% өсүп, акыркы төрт жылдагы орточо жылдык өсүш 10,2% түзгөн. Бул дүйнөдөгү эң жогорку көрсөткүчтөрдүн бири.
Өсүү бардык негизги тармактарда байкалып, курулуш жана өнөр жай башкы драйверлер болгон. Курулуштун көлөмү 62% дан ашык өссө, өнөр жай өндүрүшү 9 айда 7,1% көбөйүп, жалпы көлөмү 8 миллиард доллардан ашкан.
Министр ошондой эле аймактарда 66 жаңы өнөр жай объектиси ишке киргизилгенин, аларга болжол менен 60 миллион доллар инвестиция салынып, 4 миңден ашык жумуш орду түзүлгөнүн билдирди.
Акыркы үч жылдагы өнөр жай жыйынтыктары
Ири инфраструктуралык долбоорлордун арасында Эрлист Акунбеков "Бишкек Арена" стадионун (50 миңден ашык орундуу) жана "Манас" аэропортунун реконструкциясын атады.
Мындан тышкары, Министрлер Кабинети Камбар-Ата-1 ГЭСин өз каражаты менен курууга даярдыкты аяктап жатат. Долбоор боюнча Казакстан жана Өзбекстан менен сүйлөшүүлөр жүрүп жаткандыгын, ошондой эле Дүйнөлүк банктын салымы бар экенин кошумчалады.
