Изилдөө: Бишкектин ар бир бешинчи мектеп окуучусу энергия ичүүчү суусундуктарды колдонот; тыюу салуу каралып жатат

2026-жылы борбор шаарда жүргүзүлгөн изилдөөлөрдүн жыйынтыгы боюнча, Бишкектин жогорку класстын окуучуларынын 22 пайызынан ашыгы энергия ичүүчү суусундуктарды колдонушат. Алардын дээрлик 40 пайызы жумасына үч жолдон кем эмес ичип турушат.

Стористи көрүү

1. Бишкектеги мектеп окуучуларынын энергия ичүүчү суусундуктарды ичүүсү
2. Негизги маселе. Бишкектин жогорку класстын окуучуларынын 22 пайызы энергия ичүүчү суусундуктарды колдонушат.
3. 40 % — окуучулардын жумасына үч жолдон кем эмес ичүүсү
4. Канттын өлчөмү: Бир таңгакта болжол менен 55 грамм кант бар; Бул Дүйнөлүк саламаттыкты сактоо уюмунун нормасынан эки эсе көп
5. «Энергия ичүүчү суусундуктар өспүрүмдөр үчүн абдан жеткиликтүү экени аныкталды.» — Изилдөө жыйынтыгы
6. 11,4 млрд сом — 2025-жылы алкоголсуз суусундуктарды импорттоо көлөмү
7. Кийинки кадам. Энергия ичүүчү суусундуктарды өлкөгө алып кирүүгө алты айга убактылуу тыюу салуу жөнүндө токтом долбоору каралууда.

Бул маалыматтар энергия ичүүчү суусундуктарды өлкөгө алып кирүүгө алты айга убактылуу тыюу салуу жөнүндө Министрлер Кабинетинин токтом долбооруна тиркелген негиздеме кагазында келтирилген.

Изилдөө учурунда энергия ичүүчү суусундуктар өспүрүмдөр үчүн абдан жеткиликтүү экени аныкталды. Окуучулар аларды үйүнүн жанынан, окуу жайлардан жана атүгүл мектеп буфетинен да сатып алышы мүмкүн.

Суусундуктардагы канттын орточо өлчөмү кичинекей таңгактарда болжол менен 55 граммды түзөт. Бул Дүйнөлүк саламаттыкты сактоо уюмунун суткасына 25 граммдан ашык эмес эркин кант керектөө боюнча көрсөткүчүнөн эки эсе көп.

Энергия ичүүчү суусундуктарды үзгүлтүксүз ичүү уйкунун бузулушуна, кан басымынын көтөрүлүшүнө жана башка ден соолук маселелерине алып келет. Өспүрүмдөр үчүн мындай суусундуктарды ашыкча колдонуу өзгөчө коркунучтуу экени белгиленген.

Улуттук статистика комитетинин маалыматы боюнча, 2025-жылы Кыргызстан 11,4 миллиард сомго 274,4 миллион литр алкоголсуз суусундуктарды импорттогон.