Жогорку Кеңештин басма сөз кызматы билдиргендей, бүгүн, 7-октябрда, депутаттар жашы жете электерге жана жаштарга жеткиликтүү болгон энергетикалык суусундуктарды, ошондой эле адамдын ден соолугуна терс таасирин тийгизиши мүмкүн болгон тамак-аш продукциясын комплекстүү изилдөө боюнча убактылуу депутаттык комиссия түзүү маселесин карашты.

Комиссияны түзүү демилгеси менен «Ынтымак – Мекенчил» депутаттык тобу чыкты. Маселе боюнча маалыматты депутаттык топтун жетекчиси Талант Мамытов берди.

Комиссиянын курамы

Убактылуу комиссиянын курамына төмөнкү депутаттар кирди:

Энергетикалык суусундуктардын зыяны

Энергетикалык суусундуктар биринчи кезекте жүрөккө жана нерв системасына зыян келтирет: кофеин жана башка стимуляторлор (таурин, гуарана) кан басымын жогорулатып, жүрөк кагышын тездетет, аритмия, тынчсыздануу, титирөө жана уйкусуздукка алып келиши мүмкүн, ал эми үзгүлтүксүз колдонуу көз карандылыкты пайда кылат.

Курамындагы шекердин көлөмү

250мл банкада
25-30г шекер
2типтеги диабет коркунучу

250 мл көлөмүндөгү банкада 25-30 г шекер бар, бул дээрлик суткалык нормага жакын. Мындай көлөм семирүү, 2-типтеги кант диабети жана тиш чирүү коркунучун жогорулатат. Курамындагы кислоталар тиш эмалын бузуп, ашказандын былжыр челин дүүлүктүрөт.

Өзгөчө алкоголь менен аралаштыруу коркунучтуу: стимуляторлор мас болууну жашырып, адам интоксикациянын даражасын туура баалабай калат.

Комиссиянын милдеттери

  • Энергетикалык суусундуктардын жана зыяндуу тамак-аш продукциясынын жүгүртүлүшүн комплекстүү изилдөө
  • Аталган продукциянын сапатын жана коопсуздугун баалоо
  • Бул тармактагы мамлекеттик жөнгө салуунун натыйжалуулугун кароо