Президент Садыр Жапаров энергетикалык суусундуктардын өлкө генофондуна тийгизген терс таасири боюнча жарандардан жана Жогорку Кеңештин депутаттарынан көптөгөн кайрылуулар түшкөнүн белгиледи. Ушул кайрылуулардын негизинде ал Администрациянын тармактык бөлүмдөрүнө маселени тыкыр талдап чыгууну тапшырган.

СторисЭнергетикалык суусундуктарды өндүрүүгө жана импорттоого тыюу салуу маселесиСлайддар: 5
  1. Энергетикалык суусундуктарды өндүрүүгө жана импорттоого тыюу салуу маселеси
  2. 2025-жылы ички керектөө: 54 млн 199 миң литр; 2026-жылдын 1-жарым жылдыгында керектөө: 36 млн 83 миң литр; 2025-жылы өндүрүш: 25 млн 263 миң литр; 2025-жылы салык жана бажы: 1 млрд 104 млн 100 миң сом
  3. бир ай ичинде — Министрлер Кабинети тыюу салуу маселесин карап чыгат.; алты ай аралыгында — Маселе мыйзамдык негизде жөнгө салынат.
  4. ЕАЭБге мүчө мамлекеттерден: 28 млн 430 миң литр; Үчүнчү өлкөлөрдөн: 1 млн 239 миң литр; 2025-жылы салык жана бажы: 1 млрд 104 млн 100 миң сом; 2026-жылдын 1-жарым жылдыгында салык жана бажы: 996 млн 710 миң сом
  5. Президент Садыр Жапаров Министрлер Кабинетине Кыргызстанда энергетикалык суусундуктарды өндүрүүгө жана өлкөгө импорттоого тыюу салуу маселесин кароону тапшырды. Бул тууралуу мамлекет башчысы социалдык тармактагы баракчасына жарыялаган кайрылуусунда билдирди. Чечим бир ай ичинде каралып, алты ай аралыгында мыйзамдык негизде жөнгө салынышы керек.
Урматтуу мекендештер! Улутубуздун келечеги үчүн күйүп-жанган жарандардан энергетикалык суусундуктардын кесепеттери тууралуу кыйла кайрылуулар келип жатты эле. Бул маселе Жогорку Кеңештин бийик трибунасынан да көтөрүлгөн.
Садыр Жапаров, Кыргыз Республикасынын Президенти

Керектөө көлөмү өсүп жатат

Жүргүзүлгөн талдоого ылайык, 2025-жылы өлкөдө энергетикалык суусундуктарды ички керектөөнүн көлөмү 54 млн 199 миң литрди түзгөн. Бул болжол менен 129 млн банкага барабар. Ал эми 2026-жылдын биринчи жарым жылдыгында керектөөнүн көлөмү 36 млн 83 миң литрге же болжол менен 85 млн 900 миң банкага жеткен.

Энергетикалык суусундуктарды керектөө

54,2 млн литр2025-жылы керектөө
36,1 млн литр2026-жылдын 1-жарым жылдыгында
129 млн банка2025-жылдагы банка саны
85,9 млн банка2026-жылдын 1-жарым жылдыгында

Өндүрүш жана импорт

2025-жылы Кыргызстанда 25 млн 263 миң литр энергетикалык суусундук өндүрүлгөн. ЕАЭБге мүчө мамлекеттерден 28 млн 430 миң литр, ал эми үчүнчү өлкөлөрдөн 1 млн 239 миң литр алып келинген. Бул тармактан түшкөн салык жана бажы төлөмдөрү 2025-жылы 1 млрд 104 млн 100 миң сомду, ал эми 2026-жылдын биринчи жарым жылдыгында 996 млн 710 миң сомду түзгөн.

Президенттин тапшырмасы

Президент Министрлер Кабинетине бир ай ичинде тыюу салуу маселесин карап чыгууну, алты ай аралыгында мыйзамдык негизде жөнгө салууну тапшырды. Бул кадам улуттун ден соолугун коргоо жана дени сак муунду тарбиялоо максатын көздөйт.