10-ноябрда Бишкекте жашыл энергетика, илим жана инновациялар темасындагы чоң форум аяктады. Иш-чарага мамлекеттик кызматкерлер, окумуштуулар, ишкерлер жана стартап коомчулугунун өкүлдөрү катышты. Бул тууралуу Илим, жогорку билим берүү жана инновациялар министрлиги билдирди.
Форумдун негизги максаты — таза технологияларды киргизүүгө көмөктөшүү, жаштардын долбоорлорун колдоо жана жогорку технологиялуу тармактардагы кадрдык маселелерди чечүү болуп саналат.
Иш-чаранын алкагында Илим, жогорку билим берүү жана инновациялар министрлигинин министри Гүлзат Исаматова, Энергетика министри Алтынбек Рысбеков, ошондой эле инвестициялык жана энергетикалык компаниялардын өкүлдөрү өз сөздөрүн угушту.
Талкууланган негизги багыттар
- Кыргыз Республикасында жашыл энергетиканы өнүктүрүүнүн келечеги
- Кайра жаралуучу энергия булактарын өнүктүрүү
- Күн энергиясындагы инновациялык технологияларды киргизүү
- Квалификациялуу кадрларды даярдоо
- Жашыл экономиканы өнүктүрүү
Форумдун борбордук окуясы Кыргыз Республикасында жашыл энергетиканын келечегине арналган панелдик сессия болду. Ошондой эле, жаш окумуштуулардын жана инноваторлордун конкурсунун жеңүүчүлөрү үчүн сыйлоо аземи өткөрүлдү.
Мындан тышкары, катышуучулар үчүн InnovTech 2026 инновациялык технологиялар көргөзмөсү уюштурулуп, ал жерде заманбап технологиялык чечимдер жана жаңы иштеп чыгуулар көрсөтүлдү.
