Кыргыз экономикалык университетинин экономика жана башкаруу кафедра башчысы, экономика илимдеринин доктору, профессор Азизбек Бексултанов радио эфиринде Каржы министрлигине жана тиешелүү ведомстволорго аймактардын өзгөчөлүктөрүн эске алган күрөө мүлкүн баалоо боюнча жаңы жоболорду иштеп чыгуу зарылдыгын билдирди.

Кыргызстанда бардыгына бирдей жобо иштейт. Анын негизинде Баткендеги же Нарын облусундагы негизги каражаттарды Бишкектегидей баалоо мүмкүн эмес.
Азизбек Бексултанов, экономист

Бизнес-ассоциация ЖИАнын Ишкерлерди колдоо борборунун каржы консультанты Сабыт Айбалаевдин айтымында, аймактардагы кыймылсыз мүлк Бишкекке караганда бир топ төмөн бааланат. Ошол эле учурда карыз алуучуларга коюлган талаптар бүткүл республика боюнча бирдей.

Чүй облусунда аткарыла турган талап, Баткенде аткарылбай калышы мүмкүн.
Сабыт Айбалаев, каржы консультанты

Эксперттер аймактардагы күрөө мүлкүн баалоодо бирдиктүү стандарттарды эмес, ар бир аймактын өзгөчөлүгүнө ылайыкталган ийкемдүү ыкмаларды колдонуу керектигин белгилешет. Бул чакан жана орто бизнести өнүктүрүүгө, ошондой эле каржы кызматтарынын жеткиликтүүлүгүн жогорулатууга шарт түзөт.

Аймактардагы күрөө мүлкүн баалоодогу айырмачылыктар