Бишкек шаарындагы жолдордогу кырдаал коопсуздук жагынан өтө оор экенин билдирген депутат Гуля Кожокулова шаардык бийликтердин жоопкерчилигин суроого алды. Анын айтымында, электросамокаттар жана башка жеңил мобилдик каражаттар пешеходтар үчүн чоң коркунуч туудуруп жатат.
Депутаттын белгилегендей, маалыматтык каражаттарда күн сайын электросамокаттар менен мотоциклдердин пешеходтарды кагып кетүүсүнөн улам болгон өлүмдүү кырдаалдар тууралуу билдирүүлөр чыгып жатат. Бул жагдай чоң жаракаттарга жана адам өлүмдөрүнө алып келүүдө.
Бизде Бишкек жолдорунда абдан олуттуу кырдаал. Бул жөн гана тыгындар эмес, бул коопсуздук маселеси. Шаарда коопсуздукка ким жооп берет — мэриябы же УПСМби? Ким көзөмөлдөш керек? Эмне үчүн жеңил мобилдик каражаттарды тыюу салууга чейинки чаралар көрүлбөй жатат?
Кожокулова шаардык бийликтер жана шаардык кеңештин депутаттары кыймыл эрежелерин катуулоо жана самокаттарды, скутерлерди, мопеддерди каттоо боюнча иштерди жүргүзбөгөндүгүн белгиледи. Ал жергиликтүү бийликтердин жана министрлер кабинетинин жоопкерчилигин да козгоду.
Документтен
Жол кыймылы жөнүндө мыйзамда зарыл болгон учурда жергиликтүү бийликтер жана министрлер кабинети чектөөлөрдү же тыюуларды киргизүү мүмкүн экени так көрсөтүлгөн.
Парламентарий Бишкектин борбор калака катары кимдер үчүн түзүлгөнүн сурады. Анын айтымында, чоңдор, балдар жана кары-картаңдар тротуарларда жүрүүдөн коркуп, курмандыкка айланып жатышат.
