Жогорку Кеңештин эмгек, саламаттыкты сактоо, аялдардын иштери жана социалдык маселелер боюнча комитетинин жыйынында өлкөдөгү уулануу учурлары тууралуу маалымат берилди. Акыркы тогуз айдын ичинде медициналык мекемелерге уулануу менен 616 адам кайрылган. Бул тууралуу саламаттыкты сактоо министрлигинин орун басары Гүлбара Ишенапысова билдирди.
Уулануу көрсөткүчтөрү
Оорулардын булактары боюнча Калкты алдын алуу жана мамлекеттик санитардык-эпидемиологиялык көзөмөл департаментинин директору Гүлзат Кубанычбекова кошумча маалымат берди. Ал адамдардын кайсы жерден ууланганын деталдуу түрдө көрсөттү.
Уулануунун булактары
Өлүм учурлары Жалал-Абад жана Баткен облустарында катталган. Депутат Жылдыз Эгенбердиева бейтаптардын эмне үчүн каза болгонуна суроо берди. Анын пикири боюнча, көбүнчө адамдар сыворотканын жоктугунан каза болушат.
Эмне үчүн кеч кайрылышты? Дарыгерлер диагнозду өз убагында коё алышпадыбы? Эки себеп бар: же дарыгерлер күнөөлүү, же ботулотоксин жок болгон
Ал эми адистер бейтаптардын жардам сурап кечигип келгенин белгилешти. Калкты тамак-аш коопсуздугуна көзөмөлдөө жана инфекциялык эмес оорулардын алдын алуу департаментинин башкармалыгынын башчысы Назгүл Абамуслимова оорунун неврологиялык белгилери менен коштолушу диагноз коюуну татаалдаштырышы мүмкүн экенин айтты.














