Джалал-Абад облусунун Кызыл-Жар айылындагы республиканын психиатрдык бейтапканасында 273 бейтап дарыланууда, алардын ичинен 100ү соттолгон адамдар. Бул тууралуу омбудсмендин институту маалымдады.
Соттолгон бейтаптар 3 негизги режимде дарыланууда: катуу, күчөтүлгөн жана кадимки. Катуу режимде 30 адам, күчөтүлгөн режимде 37, кадимки режимде 33 бейтап бар.
Текшерүүнүн жыйынтыгы боюнча, дарылоо мөөнөтү аяктаганына карабастан, 57 адам бейтапканадан чыгарылбай, узак убакыт бою калууда. Алардын ичинен 39у 3 айдан ашык, 18и 5 жыл же андан көп убакыт бою дарыланып жатышат.
Медицина боюнча эрежелерге ылайык, стационарда дарылануу 90 күндөн ашпашы керек, жогорку комиссиянын чечими менен гана узартылышы мүмкүн.
Бейтапкананын жетекчилиги түшүндүргөндөй, Ош жана Жалал-Абад облустарында чоңдор үчүн психоневрологиялык интернат жок болгондуктан, бейтаптарды ал жакка которууга мүмкүнчүлүк жок.
Кээ бир бейтаптардын үйү жок, үй-бүлөлүк байланышы үзүлгөн же туугандары алуудан баш тарткандыктан, алар социалдык камкордукка муктаж болууга карабастан бейтапка ылайыктуу орун ээлеп турушат.
Бул көйгөй психиатрдык мекеменин стационардык орундардын жетишсиздигине алып келип, дарылоо керек болгон жаңы бейтаптарга мүмкүнчүлүк чектелет.
Омбудсмен Джамиля Джаманбаева жүргүзгөн мониторингдин жыйынтыктары боюнча, соттолгондор үчүн өзүнчө психиатрдык мекеме куруу сунушталууда.
