Бишкек шаарын айланып өтүүчү Түндүк айлана жолу акы төлөнүүчү жолдордун катарына кошулушу мүмкүн. Бул маселе «Ала-Тоо» парламенттик депутаттык тобунун жыйынында талкууланды.
Транспорт жана коммуникациялар министрлигинин орун басары Бактылуу Момбековдун билдирүүсүнчө, айдоочулардан акы алуу — жолдорду куруу, реконструкциялоо жана тейлөө үчүн жеке инвесторлордун каражатын тартуунун куралы катары каралууда.
Учурда Түндүк айлана жолу боюнча тарифтер жана акы төлөө тартиби министрлик тарабынан иштелип чыгуу стадиясында турат. Тарифдерди аныктоо үчүн башка объекттердеги тажрыйба колдонулушу мүмкүн.
Башка жолдордогу болжолдуу тарифтер
Учурда өлкөдө башка жол долбоорлору да ишке ашырылууда. Мисалы, Орто-Сай айылынан Киргшелкага чейинки 16,5 чакырым узундуктагы Чыгыш айлана жолунун курулушуна болжол менен 82 миллион доллар талап кылынат.
Башка пландалган долбоорлор
- Ош жана Ноокат шаарларын айланып өтүүчү жолдор
- Чон-Курчак багытындагы жаңы эстакада
- Бишкек — Белогорка — Суу альтернативдик трассасы
- Батыш айлана автожолу (Мамлекеттик-жеке өнөктөштүк долбоору)
