Жогорку Кеңештин «Ала-Тоо» депутаттык тобунун жыйынында Транспорт жана коммуникациялар министрлигинин орун басары Бактылуу Момбеков жолдорду куруу боюнча акыркы маалыматтарды бөлүштү.

СторисКыргызстанда жол курулушунун көрсөткүчтөрү өсүп жататСлайддар: 6
  1. Кыргызстанда жол курулушунун көрсөткүчтөрү өсүп жатат
  2. Негизги жыйынтыктар: 1903 чакырым жол асфальтталды; Өткөн жылга караганда 735 чакырым көбүрөөк
  3. 69 млрд сом — жол тармагына бөлүнгөн бюджет
  4. Жаңы технология. Кант—Ивановка жана Бишкек—Кант участогунда эски катмарды кайра иштетүү (ресайклинг) ыкмасы колдонулуп, 5 чакырым жол курулду.
  5. 2600 сом — бир жол белгисинин жаңы баасы
  6. Инфраструктура: 138 автотүзөтүүчү токтотогуч курулду; Жол белгилерин өз алдынча өндүрүү баасын төмөндөттү

Жол курулушунун көрсөткүчтөрү

1903асфальтталган жол (ч.км)
735өткөн жылга караганда айырма (ч.км)

Министрликтин билдирүүсүнө ылайык, жол тармагына такталган бюджеттин негизинде 2026-жылы 69 млрд сом бөлүнгөн. Бул каражаттын эсебинен 1,5 миң чакырымдан ашык жолду асфальттоо пландалган эди.

Негизги долбоорлор жана жаңы технологиялар

Учурда өлкө боюнча бир нече стратегиялык багыттарда иштер жүрүүдө. Анын ичинде туристтик объекттерге бараткан жолдорду оңдоо жана шаардык жолдорду Стабилизациялоо фондунун эсебинен оңдоо иштери жүрүп жатат.

Кыргызстанда биринчи жолу ресайклинг технологиясы — эски катмарды кайра иштетүү ыкмасы менен Кант—Ивановка жана Бишкек—Кант участогунда 5 чакырым жол курулду. Бул ыкма каражаттарды үнөмдөөгө мүмкүндүк берди.

Жол белгилери жана инфраструктура

Министрлик жол белгилерин өз алдынча өндүрүүдө. Бул курулуштун наркын кыйла төмөндөткөн.

бир жол белгисинин баасы4000 сом2600 сом −35%

Ошондой эле, ушул мезгилде 138 автотүзөтүүчү токтотогуч курулгандыгы белгиленди.