Мамлекет башчысынын Талас облусунун Айтматов жана Манас райондорунун тургундары менен жолугушуусунда Гүлназик Кулиева күйөөсү Кубана А. уулу 2025-жылдын августунда УКМК тарабынан үйүнөн алып кетилгенин билдирди.
Аялдын айтымында, кармоо Камчыбек Ташиевдин көрсөтмөсү менен жүргүзүлгөн. Тергөөчү Бекболот К. күйөөсүн коркутуп, арызды Ташиевдин тууганы Бекзат К. жазганын, ошондуктан аны баары бир кармай турганын айтып, 300 миң доллар төлөөнү сунуштаганын белгиледи.
Тергөөчү Бекболот К. аны коркутуп: «Арызды Ташиевдин тууганы Бекзат К. жазган, ошондуктан сени баары бир кармашат. Ошондуктан 300 миң доллар төлөгөнүң оң» деди
Кулиеванын билдиришинче, күйөөсү он ай тергөө абагында отурган. 2026-жылдын 15-июнунда Биринчи май райондук соту аны беш жылга эркинен ажыратып, бирок пробациялык көзөмөл колдонуп, алты айдын ичинде 300 миң доллар төлөөнү милдеттендирген. Учурда иш шаардык сотко өткөн.
Акча кайдан келген?
Гүлназик Кулиева күйөөсү Кореяда беш жыл иштеп тапкан акчасынан ажыраганын айтат. Анын айтымында, ал мекендештеринин электрондук капчыктарына акча которуп турган, андан ары бир кореялык аялга жөнөтүлүп, ал жактан накталай алынган.
«Бекзат менин күйөөмдү тааныбайт, ал акчаны Акбар деген жигитке берген. Ал күйөөмдү билбейт, бирок Ташиевдин көрсөтмөсү менен ага арыз жазган», — деди Кулиева.
УКМК төрагасынын орун басары Алмаз Ажыгулов бул маалыматтан кабары жок экенин, маселени иликтеп көрөрүн билдирди.
