Кыргызгидрометтин маалыматы боюнча, алдыдагы дем алыш күндөрү өлкө аймагында аномалдуу жылуу аба ырайы сакталат. Бишкекте абанын температурасы +21…+25 градуска чейин, Ошто +21…+26 градуска чейин жылыйт.
Жылуу аба ырайы дүйшөмбү, 9-ноябрда да сакталат. Бирок шейшембиден тарта температура кескин төмөндөй баштайт: Бишкекте күндүз +15…+17 градус, шаршембиде болгону +9…+11 градус болот.
Кыргызгидромет 10-ноябрда айрым жерлерде жаан жаай турганын, тоолуу райондордо кар түшөрүн эскертет. 11-ноябрда жаан-чачын өлкөнүн көпчүлүк аймагында күтүлөт: жаан, кар, тоолуу райондордо кар.
Кийинки күндөрү аба ырайы туруксуз болуп, жаан-чачын жана температуранын төмөндөшү сакталат. Ушундай кескин өзгөрүү ден-соолукка таасирин тийгизиши мүмкүн, ошондуктан жарандар аба ырайына жараша кийинүүгө тийиш.
