30-октябрдан 1-ноябрга чейин Ысык-Көл облусунун Жети-Өгүз районунун Кызыл-Суу айылында Данияр Токтомушевдин элесине арналган эркин күрөш боюнча өспүрүмдөр арасындагы республикалык мелдеш болуп өттү. Ага республиканын бардык аймактарынан 230 жаш спортчу катышты.
Жайыл районунун намысын машыктыруучу Нуржан Суймоналиевдин жетекчилиги астында 5 балбан коргоду. Алардын ичинен экөө байгелүү орундарга ээ болушту: Сылык Апсалбеков 55 килограммга чейинки салмакта чемпион аталса, Эркин Нурдинов 48 килограммга чейинки салмакта 3-орунду, Тилек Суйеркулов 25 килограммга чейинки салмакта 3-орунду ээлешти.
Жеңүүчүлөргө жана байге ээлерине Жети-Өгүз районунун балдар-өспүрүмдөр спорт мектебинин уюштуруучулары тарабынан эстелик медалдар, дипломдор жана кубоктор тапшырылды.
«Манас оюндарына» тандоо мелдешиндеги ийгилик
Ошол эле күнү, 30-октябрда, Чүй облусунун Аламүдүн районунун Арашан айылында мектеп окуучулары арасында «Манас оюндары» республикалык мелдешине тандоо туру өттү. Анда Чүй облусунан 50 жаш балбан күч сынашты.
Жайыл районунан машыктыруучу Урмат Кыйшыковдун 5 окуучусу катышып, алардын үчөө биринчи орунду ээлешти: 40 килограммга чейинки салмакта Кутман Асанбеков, 44 килограммга чейинки салмакта Нурахмад Нуралиев жана 48 килограммга чейинки салмакта Эржан Нурлуков. Ошондой эле 54 килограммга чейинки салмакта Эржан Токтосунов 5-орунга, 80 килограммга чейинки салмакта Тилек Бейшенкулов 2-орунга ээ болушту.
Бул мелдештин жеңүүчүлөрү Чүй облусунун курама командасына киргизилип, ноябрдын ортосунда Бишкек шаарында өтө турган республикалык турнирге катышат.
Жети-Өгүздөгү мелдештеги Жайыл районунун балбандарынын жыйынтыгы
