Ысык-Көлдүн түндүк жээгинде, Чолпон-Атадан болжол менен 8 чакырым алыстыкта AK-ALA-TASH аттуу жаңы сезондук эмес, жыл бою иштей турган тоо-лыжа курорту курулууда. Бирок социалдык тармактарда бул долбоорго байланыштуу суроолор пайда болду: эмне үчүн кар дээрлик көрүнбөгөн капталдарга трасса салуу керек жана эмне үчүн келечектеги курортко жасалма кар керек болот?
Долбоордун өкүлдөрү курулуш аянтчасын тандоонун себептерин жана Ысык-Көлдөгү кар катмарынын өзгөчөлүктөрүн түшүндүргөн видео жарыялашты.
Алардын айтымында, күн нуру түштүк капталдардагы карды тез эритет, ал эми түндүк капталдарда кар көпкө сакталат. Спутниктик сүрөттөр Ак-Ала-Таш тоосунун түндүк капталында табигый кар катмары ноябрдын аягынан апрелдин ортосуна чейин сакталарын көрсөтөт.
Ошого карабастан, уюштуруучулар жасалма кар жасоонун зарылдыгын танышпайт. Буга окшош технологиялар Европанын белгилүү тоо-лыжа курортторунда, анын ичинде Куршевель, Давос жана Санкт-Мориц шаарларында да колдонулат. Жасалма кар трассалардын абалын сактоого жана аба ырайына көз карандылыкты азайтууга мүмкүндүк берет.
Жарыяланган концепцияга ылайык, курортто тоо-лыжа трассалары, канат жолдору ж.б. объектилер каралган.
