Айпери Медет кызы мелдештин жарым финалында 18 жаштагы индиялык Каджал менен беттешип, беттештин башталышында 7:1 эсебинде алдыда барган. Бирок кийинчерээк демилгени колго алган атаандашы 7:10 эсебинде жеңишке жетип, кыргызстандык балбан финалга чыга албай калган.
Коло байге үчүн күрөштө Айпери Медет кызы моңголиялык спортчу менен кез келип, 1:4 эсебинде утулуп, акыркы бешинчи орунга ээ болду.
Кыргызстандык балбандардын башка жыйынтыктары
Ошол эле күнү аялдар күрөшү боюнча дагы эки кыргызстандык балбан күч сынашты. 68 килограммга чейинки салмакта күрөшкөн Мээрим Жуманазарова финалга чыгууга жетишти. Ал эми 72 килограммга чейинки салмакта ат салышкан Нурзат Нуртаева биринчи беттеште эле утулуп, мелдештен четтетилди.
Мээрим Жуманазарова дүйнө чемпиондугунун финалына чыккан Кыргызстан курамасынын биринчи өкүлү болду.
Бүгүн, 29-октябрда эркин күрөш боюнча мелдештер башталып, Кыргызстандын атынан Тайырбек Жумашбек уулу 65 килограммга чейинки салмакта күч сынашат.
Айпери Медет кызынын беттештеринин жыйынтыктары
Айпери Медет кызынын беттештеринин эсеби
