Ысык-Көл облусунда жапайы жаратылышты коргоо жана изилдөө боюнча жаңы илимий борбор ишке кирди. Ал Ысык-Көл мамлекеттик коругунун базасында уюштурулду.
Борбордун негизги милдеттери
- жапайы жаныбарларды генетикалык деңгээлде изилдөө;
- жапайы фаунанын ооруларын изилдөө;
- оорулуу жана жарадар болгон жаныбарларды дарылоо;
- аларды реабилитациялоо.
Борбор оорулуу жана жарадар болгон жаныбарларды кабыл алып, дарылап, кайра жаратылышка коё берет. Бул аймактагы биологиялык ар түрдүүлүктү сактоого кошумча салым болмокчу.
