Ысык-Көл облусунун Ак-Суу районунда Кыргызстандагы эң ири долбоорлордун бири болгон тоо кластери «Ала-Тоо Резорт» биринчи этабын ишке киргизүүгө даярдык көрүлүүдө. Бул тууралуу «Кабар» маалымат агенттиги билдирди.

Курорт жылына 4 миллионго чейин туристти кабыл алып, болжол менен 7 миң жумуш ордун түзө алат. Учурда объектиде даярдык иштери жүрүп жатат.

Жергиликтүү жашоочулар долбоордон үмүт артышат

Ак-Суу районунун тургуну Самат Суранчиев «Ала-Тоо Резортто» асма жолду тейлөө боюнча адис болуп иштейт. Ал Doppelmayr компаниясынын адистеринен окуудан өткөн.

«Ала-Тоо Резорт» сынак жарыялаганда, мен арыз тапшырып, маектешүүдөн өтүп, тандоонун жыйынтыгы менен окууга кириштим. Апрелден бери Doppelmayr компаниясынын адистери бизге тажрыйба бөлүшүп келишет. Биз ошондой эле эс алуучуларга алгачкы жардам көрсөтүү көндүмдөрүн өздөштүрдүк. Буга чейин электр тармактарында иштегем, ошондуктан асма жолдо иштөөнү өздөштүрүү мага оңой болду. Учурда анда даярдык иштери жүрүп жатат. Курорт жакында иштей баштагандыктан, жаңы жумуш орундары түзүлүүдө. Буга Ысык-Көл облусунун гана эмес, башка аймактардын тургундары да жумушка орношууда.
Самат Суранчиев, «Ала-Тоо Резорт» асма жолун тейлөө боюнча адис

Ал курорттун ишке кириши аймактын тургундарына туруктуу киреше булагы болорун белгиледи.

Долбоор аймактын экономикасына дем берет

Ак-Суу районунун акими Канат Калдаралиев «Кабар» агенттигине курорттун аймакты өнүктүрүүгө кошкон салымы тууралуу айтып берди.

Өлкөдө курулуш тармагы активдүү өнүгүп, инфраструктура жаңыланууда.
Канат Калдаралиев, Ак-Суу районунун акими

Акимдин айтымында, долбоор курулуш жана өнөр жай тармактарына олуттуу дем берип, жергиликтүү бюджетке 100 миллион сом киреше алып келет.

«Ала-Тоо Резорт» долбоорунун күтүлгөн көрсөткүчтөрү

4 млнжылына туристтер
7 000жумуш орундары
100 млнсом бюджетке киреше