Жон-Арык айылынын тургуну Саты Эшалиеванын үй-бүлөсү өзүнүн көптүгү менен өзгөчөлөнөт. Ал өзүнүн күйөөсү Токтор менен медициналык колледжде окуган учурунда таанышып, биргеликте 14 балалуу болушкан. Алардын бешөөсү уул, тогузу кызы.
Саты апанын үй-бүлөсүндөгү адамдардын саны
14бала
98небере
178улуу небере
10улуу улуу небере
Күйөөсү Токтор өмүрүн медицинага арнаса, Саты апа үй-бүлөсүн тарбиялоого багытталган. Анын беш кызы да кийинчерээк медицина кызматкерлери болуп иштешкен. Учурда эң улуу кызы 70 жашта, ал эми эң кичинекей уулу 50 жашка толгон.
Саты апа өзүнүн ден соолугунун жана сергектигинин сыры тууралуу айтса, анын негизги себеби — тынымсыз кыймыл-аракет экенин белгилейт. Ал мурда неберелерин тарбияласа, азыр балдарына улуу неберелерин багуудан жардам берип келет.
