Суусамыр өрөөнүндө жашоочулар көп учурай турган көрүнүштүн күбөсү болушту — алар эки шакалды видеого тартып алышты. Кадрларда жырткычтар бадалдуу, токойлуу талаада ээн-эркин кыймылдап жүргөнү көрүнөт.

Жергиликтүү мергенчилердин айтымында, суук түшкөн сайын шакалдар мал чарбачылык чарбаларга жакындай баштайт. Бул аймактагы кадимки көрүнүш экени белгиленет.

Алар саздуу, бадалдуу, көл, суу сактагычтар жана дарыяларды бойлой камыш калың өскөн жерлерде, ошондой эле тоо этектеринде жашашат. Суусамыр өрөөнүнүн жаратылышы алардын жүрүшүнө жана жашоосуна абдан ыңгайлуу. Шакалдар — өтө шамдагай жана тез көбөйүүчү жаныбарлар. Алар 62–64 күн көтөрүп, бир жолу 3төн 9га чейин (орточо 4–8) күчүк туушат. 5–10 баш болуп үйүрүн түзүп жүрө алышат.
Жергиликтүү мергенчилердин маалыматы

Адистердин айтымында, шакалдар жаратылышта санитардык милдет аткарып, өлгөн малдын же жапайы жаныбарлардын өлүмтүгүн, ошондой эле оорулуу жаныбарларды жеп пайда алып келет.