Мырза-Аке айыл аймагында жергиликтүү бюджеттин каражатына 5 чакырым ички жолду асфальттоо пландалып, учурда асфальт төшөө иштери активдүү жүрүп жатат. Бул тууралуу айыл өкмөтүнөн билдиришти.
38 чакырым Асфальтталбаган ички жолдор
Административдик-аймактык реформадан кийинки такталган эсеп боюнча айыл аймагында жалпы 38 чакырым асфальтталбаган ички жол бар.
Бул көйгөйдү чечүү максатында жергиликтүү кеңештин депутаттары менен биргеликте ушул жылы 5 чакырым жолду асфальттоо пландалган.
Учурда белгиленген көчөлөрдө асфальт төшөө боюнча жигердүү иш жүрүп жатат.
