Министрликтин маалыматына караганда, Чолпон-Атада Алма-Ата мейманканасына алып бараткан К.Акматова көчөсүнүн 1650 метр аралыкта асфальттоо иштери толугу менен бүттү жана жол пайдаланууга даяр.
2026-жылга карата бекитилген пландын алкагында Ысык-Көлдөгү курорттук аймактын негизги жолдору этап-этабы менен оңдолуп, алар дүйнөлүк көчмөндөр оюндары өтүүчү жайларга жана пансионаттарга туташкан.
Сары-Ой айылында Пансионат "Чайка"га бараткан 1,1 чакырым жолдо асфальт төшөлүп, акыркы иш-чаралар жүрүүдө. Мындан тышкары, "Алтын Булак" пансионатынын 700 чарчы метрлик авто токтоочу жайы асфальтталды.
Кара-Ой айылындагы Пансионат "Азербайджан"га бараткан 1,3 чакырым жердеги жана Сары-Ойдогу "Радуга Вест" гольф-клубуна чейин 2,6 чакырым жердеги жолдордо жер тазалоо иштерин толугу менен бүткөрүп, асфальттоо үчүн даярдык көрүлүп жатат.
Корумду айылынын аймагында үч пансионатка бараткан 1,8 чакырым жолдо дагы жер иштерин улантып жатышат.
Чолпон-Ата, Садыр-Акин жана Шайбек-Ата айыл аймактарындагы эс алуучу жайларга бара турган жолдордо да оңдоо жана курулуш иштери активдүү жүрүүдө.
Министрлик бардык негизги жолдорду дүйнөлүк көчмөндөр оюндар башталмайынча пайдаланууга берүүнү пландаштырууда.
