«Мени Бишкек шаарынын мэри кылып дайындоо пландалып жатат деген маалымат чындыкка дал келбейт», — деди Курулуш министри Нурдан Орунтаев бүгүн, 5-ноябрда журналисттер менен жолугушууда.

Ал учурда Бишкек шаарынын мэри болуп Айбек Джунушалиев иштеп жатканын, анын ордуна умтулуу туура эмес экенин баса белгиледи.

«Бүгүнкү күндө Бишкек шаарынын мэри болуп Айбек Джунушалиев кала берүүдө, анын ордуна, мындайча айтканда, көз артуу анчалык деле туура эмес. Биз элдин көйгөйлөрүн жана мамлекет тарабынан коюлган милдеттерди так аткарышыбыз керек», — деди министр.
Нурдан Орунтаев, Курулуш министри

Орунтаев кызмат орундарына дайындоо маселелерин мамлекеттин жетекчилиги гана чече аларын кошумчалады.