Мамлекеттик маданият, маалымат жана жаштар саясаты министрлигинин билдирүүсүнө таянса, 11-декабрдан 13-декабрга чейин Бишкекте эки чоң эл аралык иш-чара уюштурулат. Алардын бири — Diva Voice 2026 дүйнөлүк вокалдык конкурсунун финалы, экинчиси — Дүйнөлүк үн ассоциациясынын 11-жылдык DIVAin конференциясы.
Конференциянын негизги темасы «Келечектеги үн тренддери» деп белгиленген. Иш-чаранын алкагында эксперттер үн технологияларынын заманбап багыттарын жана вокалдык искусствону сактап калуу маселелерин талкуулашат.
- 11-декабрь
«Манас» театрында Diva Voice 2026 конкурсунун дүйнөлүк финалы болот
- 12–13-декабрь
«София» мейманканасынын конференц-залында DIVAin конференциясы өтөт
Бул форумду ар кыл тармактын адистери бириктирет. Алардын ичинде вокалисттер, үн боюнча изилдөөчүлөр, фониатрлар, фонопеддер, сүйлөө кесибинин өкүлдөрү жана үн менен иштөө боюнча реабилитациялоочу адистер бар.
Программанын планына илимий изилдөөлөрдү тааныштыруу, мастер-класстар өткөрүү жана тажрыйба алмашуу кирет.








