Бишкек шаарынын мэриясынын маалыматы боюнча, борбор калаада Кыргыз Республикасынын Маалымат жана басма сөз күнүнө арналган салтанаттуу иш-чара болуп өттү. Иш-чаранын алкагында мэр Айбек Жунушалиев жалпыга маалымдоо каражаттарынын өкүлдөрүн кесиптик майрамы менен куттуктап, аларга мэриянын сыйлыктарын тапшырды.
Шаар башчысы журналисттерге кайрылып, ЖМК өкүлдөрү менен конструктивдүү өз ара аракеттенүүнүн, алардын борбор калааны өнүктүрүүгө кошкон салымынын жана шаардык турмуштун актуалдуу маселелерин чагылдыруунун маанилүүлүгүн белгиледи.
Биз жалпыга маалымдоо каражаттары менен конструктивдүү өз ара аракеттенүүнү, сиздердин шаарды өнүктүрүүгө болгон кызыгууңуздарды, шаардыктардын көйгөйлөрүнө кайдыгер эместигиңиздерди жана болуп жаткан процесстерди объективдүү чагылдырууга умтулууңуздарды жогору баалайбыз. Биз сын-пикирлерге туура реакция кылууга жана сапаттуу кайтарым байланыш берүүгө аракет кылабыз. Сиздердин материалдарыңыздар окурмандардын, көрүүчүлөрдүн жана угуучулардын жүрөгүнөн орун алсын, ал эми эмгегиңиздер ар дайым талапка ээ жана татыктуу баалансын.
Иш-чаранын соңунда журналисттерге кесиптик ишмердүүлүгү жана коомчулукту маалыматтандырууга кошкон салымы үчүн ыраазычылык белгиси катары эстелик белектер тапшырылды.
Мэрия ошондой эле бардык ЖМК өкүлдөрүн Кыргыз Республикасынын Маалымат жана басма сөз күнү менен куттуктап, чыгармачылык ийгиликтерди, илхамды, объективдүү басылмаларды жана жаңы кесиптик жетишкендиктерди каалады.
Иш-чарага журналисттер, редакторлор, басма сөз кызматтарынын кызматкерлери, Бишкек шаарынын вице-мэрлери жана район акимдери катышты.
