Түркия Украина жана Орусияга Кара деңиздеги кемелерге сокку урууга мораторий жарыялоону сунуштады.
DW басылмасынын Түркиянын тышкы иштер министри Хакан Фиданга шилтеме бергенине караганда, Анкара өз сунушун Киев менен Москвага буга чейин эле жиберип, азыр алардын жообун күтүүдө.
Фидандын айтымында, Түркия Москва менен Киевди Кара деңиздеги чабуулдарды токтотууга мүмкүндүк берген механизмди түзүүгө чакырган. Ал белгилегендей, мындай өтүнүч менен буга чейин украин тарап да кайрылган.
Түркия тышкы иштер министрлигинин жетекчисинин айтымында, түрк компанияларына таандык кемелер, ошондой эле түрк ээлери же экипаж мүчөлөрү бар кемелер кол салууларга дуушар болууда.
Анкаранын бул чакырыгы Кара деңиздеги кол салуулардын санынын көбөйүшүнүн фонунда айтылды. Буга чейин, ушул жумада Түркиянын Тышкы иштер министрлиги түрк компанияларына таандык эки кемеге учкучсуз аппараттардын чабуулунан улам экипаждын мүчөлөрү, анын ичинде Түркиянын жарандары жарадар болгонун билдирген.
