Талас шаарында 8-август күнү ИИМдин Сакчылар кызматы демилгеси менен спорттук спартакиада уюштурулду. Бул иш-чарада мини-футбол жана аркан тартуу боюнча таймаштар өттү.
Мелдештерге Сакчылар кызматы коргогон ар түрдүү компаниялар менен уюмдардын 10 командасы катышты. Алардын арасында «Альянс Алтын», облустук администрация, банктар, муниципалитет жана башка түзүмдөрдүн командалары бар эле.
Спорттук спартакиаданын жыйынтыгында «Альянс Алтын» командасы эки сыйлык менен сыйланып, өзүнүн жогорку деңгээлдеги чеберчилигин көрсөттү.
