Министр алгач Покровка аралаш психоневрологиялык социалдык стационардык мекемесине барды. Бул жерде ал мекеменин ишмердүүлүгү менен таанышып, социалдык кызмат алуучулардын жашоо шарттарын көрүп чыкты.
Андан соң Бакай-Ата социалдык стационардык мекемесинде болуп, кароо уюштуруу жана социалдык-тиричилик кызматтарынын сапатына көңүл бурду.
Министрликтин маалыматы боюнча, аталган эки мекемеде азыркы учурда 200гө жакын адам социалдык кызмат алып жатат.
Негизги көңүл бурулган маселелер
- Туруктуу жашоо шарттарын камсыздоо
- Социалдык кызмат алуучулардын укуктарын жана кызыкчылыктарын сактоо
- Күнүмдүк жашоо үчүн ыңгайлуу жана коопсуз чөйрөнү түзүү
Мындан тышкары, Алмаз Имангазиев министрликтин аймактык бөлүмдөрүнө да барып, алардын ишин, уюштуруу деңгээлин жана калкка мамлекеттик кызмат көрсөтүүнүн сапатын текшерди.
