Президент Садыр Жапаров 11-ноябрда Москвада Коллективдик коопсуздук ша договора уюмунун (ОДКБ) кеңешинин жыйынында сөз сүйлөдү. Бул тууралуу Президенттин администрациясынын басма сөз кызматы билдирди.
Өз сөзүндө мамлекет башчы Россиянын уюмдагы төрагалык мезгилиндеги ишин белгилеп, Кыргызстан ОДКБ өлкөлөрү менен коопсуздук чөйрөсүндө кызматташууну улантууга даяр экенин тастыктады.
Садыр Жапаров Кыргызстандын келечектеги пландарын айтып, 2027-жылы уюмдун биргелешкен иш-чараларын кабыл алууга даяр экенин билдирди. Ал мындай иш-чаралар коллективдик күчтөрдүн күрөшүү жөндөмдүүлүгүн жана биримдигин жогорулатууга мүмкүндүк берерин белгиледи.
- 2026-жылы кыргыз аскерлери Казакстан, Россия, Беларусь жана Тажикстанда өткөн биргелешкен машыгууларга катышты
- август айында Кыргызстан Балыкчыдагы «Эдельвейс» окуу-машыгуу борборунун базасында «Борбор» аскердик машыгууларын өткөрдү
Коопсуздук жана коркунучтар
Президент эл аралык терроризм, экстремизм, баңги заттардын мыйзамсыз жүгүртүүсү жана транснационалдык кылмыштуулук менен күрөшүүгө өзгөчө көңүл бурду. Ал ОДКБ өлкөлөрүнүн укук коргоо органдарынын өз ара аракеттенүүсүн, анын ичинде «Канал» антибаңгилик операциясынын алкагында кызматташтыкты күчөтүү зарылчылыгын баса белгиледи.
Афганистандын абалына токтолгон Садыр Жапаров уюмдун өлкөлөрүн трансчекаралык коркунучтарга каршы туруу үчүн күчтөрдү бириктирүүгө чакырды. Ошону менен бирге, Афганистандын экономикалык калыбына келүүсүнө жана гуманитардык маселелерди чечүүгө көмөктөшүү маанилүү экенин айтты.
Кызматташтыктын жыйынтыгы
Жыйындын жыйынтыгында мамлекеттердин лидерлери кызматташтык жана коллективдик коопсуздук боюнча 18 документке кол коюшту.
